Главная | Регистрация | Вход | RSSПонедельник, 11.12.2017, 20:17

Учителя Алматы

Меню сайта
Категории раздела
Биология [29]
ИЗО [12]
Профессиональное обучение [7]
Внеклассное чтение [16]
География [23]
Духовные ценности [10]
Если хочешь быть здоров [49]
Информатика [60]
История [57]
Иностранный язык [99]
Книжная полка [49]
Компьютер-бум [10]
Казахский язык и литература [195]
Математика [87]
Мир науки [11]
Моя Родина - Казахстан [43]
Музыка [106]
Начальная школа [407]
Общество семи муз [12]
Психологический клуб [11]
Русский язык и литература [135]
Родительское собрание [11]
Творческая личность [21]
Технология [21]
Физика [21]
Химия [31]
Экологическое воспитание [14]
Самопознание [37]
Наш опрос
Считаете ли вы результаты ЕНТ справедливыми?
Всего ответов: 1611
Статистика

Онлайн всего: 10
Гостей: 10
Пользователей: 0

Каталог статей

Главная » Статьи » Мастерская учителя » Казахский язык и литература

Руханият және мәдениет
Әрбір адам бала кезінен «Қазақстан –меніңОтаным,оның мен үшінжауапты екені сияқты,мен де ол үшін жауаптымын»деген қарапайым ойды бойына сіңіріп өсетіндей болған жөн.

Н.Назарбаев сөзінен бастағым келіп отыр


Сабағымыздың мақсаты:Мәдениет және оның қоғамдағы маңызы,оқушыларға материалдық және рухани мәдениет туралы түсініктерін қалыптастыру.
Тәрбиелік:Мәдениеттілікке,патриотизмге тәрбиелеу

Тәрбие сағатыныңкөрнекілігі: сурет,шарлар,

Тәрбие сағатының барысы:

1-жүргізуші: Милана

Мәдениет – жеке адамның өмір сүру мақсаты мен құндылық жүйесі, адамның өмір сүрген ортамен қарым-қатынасы. Ол - өзара қарым-қатынас нәтижесінде қалыптасатын ерекше құбылыс.
Адамдар өздерін қоршаған ортаға, оның әлеуметтік және мәдени қатынасына әсер етеді, өзгертеді. Олар оны өз мақсатына пайдаланады. Болашақ қоғамға, ұрпаққа мұра етіп қалдырады, ал ол мұра белгілі жағдайда үнемі дамуда болады.
2-жүргізуші: Данил

Адамзат баласы жасаған мәдениет екі түрге бөлінеді. Біріншісі – рухани мәдениет, екіншісі – материалдық мәдениет. Рухани мәдениетке музыка, әдебиет, сәулет өнері, сурет өнері, кескін өнері жатса, адам баласының шаруашылыққа байланысты күнкөрісінен туған дүниелері материалдық мәдениетті құрайды.

1-жүргізуші:Милана

Биыл тәуелсіздік алғанымызға 25 жыл болады. Осы тәуелсіз ел болғанымыздың өзі де – байлық, ана тіліміз мемлекеттік тіл дәрежесіне көтерілді , бұл да біздің байлығымыз емес пе! Ұмыт болып бара жатқан салт-дәстүріміз қайта оралып жатыр, бұл да біздің рухани байлығымыз, ата – бабамыздың көзіндей болып қалған мәдени мұраларымыз да біздің рухани байлықтарымыз. Біздің адами құндылықтарымыз, яғни қадір-қасиетіміз де рухани байлықтарымыз.

Әдеби монтаж.

1- Оқушы Руслан

Тәуелсіздік, тұғыры биік ,тұлғасың!
Жырласын сені барша,қазақ жырласын!
91-де егемен, еркін болып ек.
Өте шықты бүгіндері 25 жыл қырды асып.
2-оқушы.
Бүгін, міне, «Мәңгілік ел» атандық.
Сенің арқаң соның бәрі Тәуелсіздік, Бостандық!
Көк байрағың желбіреді Рио-да,
Жеңіс туы көтеріліп, қазағымның ән ұраны шырқалып!

3-оқушы.

Елімізде тұрақтылық,бейбітшілік орнаған.
Әртүрлі ұлт бір шаңырақ астына бүгін жиналған.
Ақ, қарамыз,сарымыз деп бөлінбей,
Барлығы да «Қазақстан азаматы»атанған!

4-оқушы.

Жаңаша жазып,жаңаша қалам тербейін.
Қалайша мен,халқым-ау ,тебіренбейін!
Көріп тұрмын экономика өскенін,
Көріп тұрмын елімнің жетістіктерін.

Көркемсөз. Несіпбек Айтұлы «Күлтегіннің көк тасы»

Ұлы таулар, тебірен, жата бермей шалқалап,

Ұлы дала рухына басын иді шартарап.

Тәңірінің біздерге көктен түскен сыйындай,

Көктас көшіп келеді тарихымды арқалап.

Аруағыңнан айналдым, бабаларым, хас батыр,

Көз жасындай мөлдіреп қасиетің таста тұр.

Күн астында күңіреніп құлпытасың қалмаса,

Мың жылдардың үңірейіп арғы жағы бос жатыр.

Исі түркі жұртының тұмарындай, Көктасым,

Бұзып жеттің бүгінге ғасырлардың қақпасын.

Түмен-түмен қол ертіп, тік көтеріп даланы,

Түзегендей Күлтегін Астанама ат басын!

Екеніміз шын болса Ер түріктің ұрпағы,

Бізге қымбат Көктастың ұшып түскен ұнтағы.

Құдіретін әз тұтып Күлтегіндей киенің,

Ұл жасасын ұлтының бола білген ұлтаны!

Халқын ойлап түнеткен қабағына боз қырау,

Күлтегінді көргенде күндік жерден безді жау.

Өсиетін бабаның тастан тани алмасақ,

Жарқыраған не керек маңдайдағы көз мынау?!

Қуанышқа кенеліп қазағымның құшағы,

Көңіл құсы шарықтап сан қиырға ұшады.

Елтаңба мен Көк байрақ, Әнұранда ғана емес,

Күлтегіннің тасында Елдігімнің нышаны!

Еріксізден еңкейтіп енді ешкімге, Жасаған,

Иілмесін басымыз тар бұғаудан босаған!

Босағамда бүгілер тәкаппардың тізесі,

Төрде тұрса текті сөз бабам тасқа қашаған!..

2-жүргізуші:

Халық игілігі ретінде рухани асыл қазыналар ұрпақтан-ұрпаққа жалғасып, сабақтасып жатады. Халқы үшін еңбек еткен адамдардың өмірі де рухани байлық болып табылады. Сонымен , ұлттық құндылықтар адам өміріне қажетті рухани байлық болып табылады.

1-оқушы.

Ана тілім

Ана тілім,

Жүрегісің анамның.

Жүрек – ана,

Мен өзіңнен жаралдым.

Сағат сайын саулығыңды тілеймін,

Сенсіз мынау керегі не ғаламның!

Сенің әрбір тынысыңмен күн кешем,

Сен арқылы тіршілікпен тілдесем.

Ел бетіне қалай түзу қараймын,

Ана тілім,

Егер сені білмесем.

Сенің арқаң дүниеден сыр ұқсам,

Сенің арқаң жүзіп ішсем тұнықтан.

Туған анамды ұмытқаным емес пе,

Туған тілім,

Егер сені ұмытсам.

Ана тілім,

Алтын ұям, құндағым,

Ақ бесікте әлдиіңді тыңдадым.

Сенің жырың, сенің әнің айтарым,

Санам сөніп, байланғанша тіл – жағым!

2-оқушы.

Мен қазақпын, қыран елмін, азатпын.

Пейіліммен кеңмін,

Иесімін кең байтақ жердің.

Мен қазақпын, ғажаппын

Еркіндік үшін дүниеге келдім,

Көк тәңірдің иесі едім.

Асан қайғы болып жаһанды кездім,

Кұрманғазының күйіне ендім,

Абылай ханның соңынан ердім,

Қабанбай қас батырым едің,

Абайдай алып данамын,

Махамбеттей өрім дарамын,

Наурызбаймын найзамын

Райымбекпін айламын

Жәнібектің жігерімін

Жауымды жеңдім, тойладым.



3-оқушы.

Мен қазақпын, ғажаппын,

Әйтеке, Төренің тілдерін білемін,

Қазыбек бидің жүрегіндемін,

Әл Фарабидің мұратындамын,

Қажымұқанның қуатындамын.

Тұрармен мен түрмеде жаттым,

Шоқан болып жұлдыздай ақтым.

Қасым қайсар ақыным едің,

Мұқағали жыр әнім едің.

Шәмшінің мен әнімін,

Үміттің де таңымын.

Береке мен бақ қонған,

Ұрпағымын ұлы елдің.



4-оқушы.

Мен қазақпын, қазақпын,

Тарихым менің тоналғанда,

Суалдым мен Аралдай.

Тәуелсіздік таңы атқанда,

Қуандым мен баладай.

Ақан Серінің құлагерімін,

Қожа Ахметтің мұрагерімін.

Ойран болған Отырардың,

Өлмейтұғын куәгерімін.

Батырмын мен Оспанмын,

Бауыржанмын дастанмын.

Арманның бәрі менікі,

Астындағы айлы аспанның.



5-оқушы.

Мен қазақпын, ғажаппын,

Ғарышқа самғап, күн көктен қаттым.

Желтоқсанда мұзға от жақтым.

Азаттықты аңсап, ерлікпен жеттім,

Қазақпын деп биікке тарттым.

Қозы мен Баян махаббатымын,

Сәкеннің сарбаз салтанатымын.

Жамбыл жыры жақұтым менің,

Елдің рухы мен едім.

Қасқа жолмын Қасыммын,

Ескі жолмын Есіммін.

Нұрлы жолмын Алаштың,

Өшпейді қазақ есімім.

Біріңді қазақ бірің дос,

Көрмесең істің бәрі бос.



Ән:»Елім менің» орындайтын Ақылбай Саят

1-оқушы.

Ардақтайтын ана тілім – бастауым,

Ата Заңым – арқа сүйер асқарым!

Армандаған болашақты баянды

Арландары – жалындаған жастарым!

2-оқушы.

Ажарында көгіміздің – Тыныштығы жеріміздің.

Тәуелсіздік деген осы – Азаттығы еліміздің!

Бауырына айналдырып сан ұлтты,

Бірлігі мен татулығын танытты.

Жаңа ғасыр көшін бастап

Қазақстан жаңа күнге жетелейді халықты.

3-оқушы.

Арайланып, шуақ шашар таң күліп,

Бақыт жолы жатыр алда жаңғырып.

Бағзылардан аңсап жеткен

Еркіндік – Ұлы Дала Елі үшін – Мәңгілік!

4-оқушы.

Әрқашан да мақтанамын жеріме,

Қазыналы, дархан, байтақ еліме.

Ешбір қала тең келе алмас өзіңе,

Тілеймін мен бейбітшілік еліме.

4-оқушы.

Құтты болсын тәуелсіздік мерекесі,

Мықты болсын елімнің керегесі.

Татту-тәтті боп халқымыз әрқашан,

Кетпесін туған жердің берекесі.

Хор. «Рух пен тіл».

1 – жүргізуші: Аталар сөзімен өсіп өнген,

2 – жүргізуші: Бабалар бұлағынан нәр алған,

1 – жүргізуші: Даналар өсиетінен тәрбие алған,

2 – жүргізуші: Ұлылар тәрбиесіне тағзым еткен

Тәуелсіз елдің ұрпақтары, елдігіміз мәңгілік болсын!
Категория: Казахский язык и литература | Добавил: Nursulu1967 (27.11.2017) | Автор: Нурсулу E
Просмотров: 9 | Теги: казахская литература и казахский яз | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Вход на сайт
Поиск
Друзья сайта

Академия сказочных наук

  • Театр.kz


  • Copyright "Школа" Интернет-портал "Детство-kz"© 2017
    Сайт управляется системой uCoz